WELKOM BY
Hoërskool Tygerberg
Die Hoërskool Tygerberg het die afgelope 70-jaar die uitdagings van die onderwysprofessie bemeester tot op die vlak waar die skool sy plek met trots kan inneem onder die top drie skole in die Noordelike voorstede van Kaapstad, die top 15-skole in die Wes-Kaap en die top 100-skole in Suid-Afrika.
Die skool se uitmuntendheid op die gebied van Akademie, Kultuur en Sport, sowel as die bydraes van ons oud-leerders tot die ekonomie en samelewing, het tot gevolg gehad dat die Hoërskool Tygerberg aangewys is as een van die Alan Gray Orbis Foundation se ‘Schools of Excellence’. Voorwaar ‘n groot eer vir alle Tiere.
Ons streef daarna om leerders met die nodige fisiese, geestelike, emosionele en intelektuele vaardighede toe te rus om as volwaardige, volwasse en verantwoordelike landsburgers hulle plek in die samelewing te kan inneem.
- Respek
- Omgee
- Verantwoordelikheid
- Betroubaarheid
- Regverdigheid
- Burgerskap
